თბილისის ქუჩებში ჰიპერტენზიის უფასო კვლევები ჩატარდება

16-21 მაისს,  ფრანგული ფარმაცევტული კომპანია „სერვიეს“ ჰიპერტენზიის ცნობიერების ამაღლების საერთაშორისო კამპანიის „გაიზომე წნევა – #ამასშენთვისგეუბნები“ ფარგლებში, თბილისის მასშტაბით ჰიპერტენზიის სკრინინგ კვირეული გაიმართება.

კვირის განმავლობაში, 10:00 საათიდან 19:00 საათამდე, მოძრავი სკრინინგ მანქანა თბილისის ქუჩებში იმოძრავებს და სხვადასხვა უბანში გაჩერდება. უფასო კვლევის შესაძლებლობა ნებისმიერ დაინტერესებულ პირს ექნება, რაც მოიცავს ადგილზე წნევის გაზომვას, კარდიოგრამის გადაღებას და ექიმთან კონსულტაციის გავლას.

შეგახსენებთ, რომ გლობალური კამპანია, სახელწოდებით, „გაიზომე წნევა – ამას შენთვის გეუბნები“, ფრანგული ფარმაცევტული კომპანია „სერვიეს“ ინივიატივით ჰიპერტენზიის საერთაშორისო ასოციაციასთან Global Heart Hub ერთად უკვე მეოთხე წელია მსოფლიოს მასშტაბით მიმდინარეობს და საქართველოც უერთდება.

საერთაშორისო კამპანიის მიზანს  ჰიპერტენზიის შესახებ საზოგადოების ცნობიერების ამაღლება,  არტერიული წნევის შემოწმების და რეგულარული კონტროლის  მნიშვნელობის შესახებ ინფორმირებულობის დონის გაზრდა წარმოადგენს, რათა მოხდეს  დაავადების დროული გამოვლენა და მოსალოდნელი გართულებების თავიდან არიდება. წელს კამპანია კიდევ უფრო აქტუალურია, რადგან ჰიპერტენზია Covid-19 პაციენტების მდგომარეობის დამამძიმებელ და მწვავე სიმპტომების განმაპირობებელ ფაქტორად განისაზღვრა, რადგან ექიმებთან  გართულებული ვიზიტის გამო, პაციენტების მხოლოდ მცირე რაოდენობამ შეძლო აღნიშნული მდგომარეობის დიაგნოსტიკა.

 

კვლევები ჩატარდება შემდეგ ლოკაციებსა და საათებში:

16 მაისი

10:00-14:30, ისანი (მეტრო „ისნის“ მიმდებარედ)

15:00-19:00, ვარკეთილი (მეტრო “ვარკეთილის“ მიმდებარედ)

 

17 მაისი

10:00-14:30, თავისუფლების მოედანი (პუშკინის სკვერის მიმდებარედ)

15:00-19:00, ავლაბარი (მეტრო „ავლაბრის“ მიმდებარედ), ისანი (მეტრო 300 არაგველის მიმდებარედ)

 

18 მაისი

10:00-14:30, დიღომი (დინამოს ბაზის მიმდებარედ)

15:00-19:00 დიდი დიღომი (გუდვილის მიმდებარედ)

 

19 მაისი

10:00-14:30 ვაჟა-ფშაველას გამზირი (მეტრო დელისის მიმდებარედ)

15:00-19:00, მ. კოსტავას ქუჩა (სპორტის სასახლის მიმდებარედ)

 

20 მაისი

10:00-14:30 გლდანი (მეტრო ახმეტელის მიმდებარედ)

15:00-19:00 სანზონა  (მეტრო გურამიშვილის მიმდებარედ)

 

21 მაისი

10:00-14:30 დიდუბე (დინამოს სტადიონის მიმდებარედ)

15:00-19:00 ნაძალადევი  (მეტრო ნაძალადევის მიმდებარედ)

ინფორმაცია დაავადების შესახებ

არტერიულ ჰიპერტენზია კარდიოვასკულური სიკვდილობის  მთავარი მიზეზია მსოფლიოში.  იგი ინსულტის, ინფარქტის და თიკმლის დაავდების წინაპირობაა.  მაღალი წნევისგან გარკვეულ ასაკში არავინ არის დაზღვეული, მაგრამ განსაზღვრული რისკ-ფაქტორების და დაავადებების თანხლება ზრდის მომატებულ არტერიული წნევის განვითარების რისკს. ისეთი რისკ-ფაქტორები, როგორიცაა ასაკი, ჭარბი წონა, კვების თავისებურება, კერძოდ, დიდი რაოდენობით მარილის მიღება, წნევის მატებას უწყობს ხელს. განსაკუთრებით ყურადსაღებია ცხოვრების ჯანსაღი წესი და უარის თქმა ისეთ მავნე ჩვევებზე,  როგორიცაა -ალკოჰოლის ჭარბი მოხმარება, თამბაქოს მოწევა.

ჰიპერენზიას ხშირად უსიმპტომოდ, ყოველგვარი გამოვლინების გარეშე მიმდინარეობს, რაც გარკვეულწილად ადუნებს პაციენტის ყურადღებას და დამყოლობას მკურნალობის მიმართ.  სწორედ ამიტომ,  მას  „ჩუმ მკვლელს“ უწოდებენ, რადგან პრაქტიკულად ყოველმა მეორე ადამიანმა არც კი იცის რომ ჰიპერტენზია აქვს. კლინიკური ნიშნების გამოვლენამდე, ჰიპერტენზიის აღმოჩენის ერთადერთი საშუალება სახლის პირობებში წნევის რეგულარული გაზომვაა. დღეს ექიმები მოგვიწოდებენ, გარკვეული ასაკის შემდეგ და თანხმლები რისკ-ფაქტორების შემთხვევაში, პერიოდულად გავიზომოთ წნევა, რათა დროულად გამოვავლინოთ წნევის მომატებული მაჩვენებლები.  ერთჯერადად წნევის ციფრების მატებაც  კი საყურადღებოა და საჭიროებს შემდგომ მონიტორინგს,  რათა გამოირიცხოს დაავადების არსებობა. არტერიული ჰიპერტენზიის დიაგნოზის შემთხვევაში კი, ექიმის დანიშნულების თანმიმდევრულ მიღებას და სახლის პირობებში წნევის სისტემატიურ გაზომვას, დაავადების მართვაში გადამწყვეტი მნიშვნელობა აქვს.