ნაადრევი მშობიარობის, საკეისრო კვეთისა და სხვა გართულებების საფრთხე – სპეციალისტები ორსულებს აცრისკენ მოუწოდებენ

საქართველოს მეან-გინეკოლოგთა ასოციაცია ორსულებისთვის COVID-19–ის ინფექციასთან დაკავშირებით რეკომენდაციებს ავრცელებს.

„COVID-19 სიმპტომების მქონე ორსულ ქალებს ორჯერ მეტი ალბათობა აქვთ, რომ ბავშვი ადრე გაჩნდეს, რაც მათ ნაადრევი მშობიარობის რისკის ქვეშ აყენებს. ბოლოდროინდელმა კვლევამ ასევე აჩვენა, რომ ორსულ ქალებს, რომელთაც მშობიარობის დროს  დაუდასტურდათ COVID-19, უფრო მეტად განუვითარდათ პრეეკლამფსია, მათ უფრო ხშირად სჭირდებოდათ გადაუდებელი საკეისრო კვეთა და მკვდრადშობადობის რისკი ორჯერ მაღალი იყო, თუმცა მკვდრადშობადობის რეალური მაჩვენებელი რჩება დაბალი,“- აცხადებენ ასოციაციაში.

მათი ინფორმაციით, ვირუსის არსებობის დროს ნაკლებად სავარაუდოა, რომ  მან გამოიწვიოს ბავშვის განვითარების პრობლემები და ჯერჯერობით ამის შესახებ არანაირი მტკიცებულება არ  არ არსებობს.

ასევე არ არსებობს მტკიცებულება, რომ ადრეულ ორსულობაში COVID-19 ინფექცია ზრდის მუცლის მოშლის ალბათობას.

როგორც ჩანს, იშვიათია COVID-19– ის გადაცემა ქალიდან ბავშვზე ორსულობისას ან მშობიარობის დროს. დაინფიცირდება თუ არა ახალშობილი COVID-19– ით, არ არის დამოკიდებული დაბადების მეთოდზე, კვების არჩევანზე, ან დარჩებიან თუ არა ქალი და ბავშვი ერთად.

„COVID-19 დაავადებული ორსულ ქალთა დაახლოებით ორ მესამედს საერთოდ არ აღენიშნება სიმპტომები და უმეტეს ორსულ ქალებს, რომლებსაც აქვთ სიმპტომები, აქვთ მხოლოდ გაციების ან გრიპის მსუბუქი სიმპტომები. ორსულ ქალებს, რომლებიც ინფიცირდებიან COVID-19–ით,  გაზრდილი აქვთ სერიოზული დაავადების რისკი , განსაკუთრებით მესამე ტრიმესტრში. ორსულმა ქალებმა უნდა დაიცვან COVID-19– ის იგივე მითითებები, როგორც ქვეყნის დანარჩენმა მოსახლეობამ (მაგალითად, ტესტირების ან თვითიზოლაციის შესახებ)“ – ნათქვამია რეკომენდაციებში.

ინფიცირებისა და გართულებების თავიდან აცილების მიზნით, ასოციაცია ქალებს, როგორც ორსულობის დაგეგმვის, ისევე მისი მიმდინარეობის პერიოდში ვაქცინაციას ურჩევს.  ორგანიზაცია სეზონური ვირუსების საწინააღმდეგო იმუნიზაციაზეც ამახვილებს ყურადღებას.

„გრიპის ზოგიერთი სიმპტომი, მათ შორის ცხელება, ხველა, ქოშინი და დაღლილობა, COVID-19– ის მსგავსია. შესაძლებელია გრიპისა და COVID-19– ის ერთდროულად ინფიცირება, ხოლო კვლევები აჩვენებს, რომ თუ ორივე ერთდროულად მიმდინარეობს , შეიძლება უფრო სერიოზულად დაავადდეთ, ვიდრე ერთი   ვირუსით. ამიტომ, ჩვენ მკაცრად გირჩევთ აცრას  გრიპის საწინააღმდეგოდ,“ – აცხადებენ ასოციაციაში.

რაც შეეხება ორსულობის დაგეგმვას პანდემიის დროს, ორგანიზაციის პოზიციაა, რომ ორსულობა COVID-19 პანდემიის დროს არის პირადი არჩევანის საკითხი

COVID 19  პანდემიის დროს ორსულებისთვის რეკომენდაციები ასეთია:

იყავით მობილური და დალიეთ ბევრი სითხე, რათა შეამციროთ ორსულობის დროს სისხლის შედედების რისკი.

იყავით აქტიურები,  რეგულარულად  ივარჯიშეთ, ჯანსაღი დაბალანსებული დიეტის მიიღეთ   ფოლიუმის მჟავით და  D ვიტამინით  ჯანსაღი ორსულობის უზრუნველსაყოფად.

შეასრულეთ ორსულობის ყველა ვიზიტი    ანტენატალური კონსულტაციის დროს, გარდა იმ შემთხვევისა, როდესაც თქვენ არ გირჩევენ ამის გაკეთებას.