Jandacva.ge
ინტერვიუ მარდალეიშვილის სამედიცინო ცენტრის ონკოგინეკოლოგ ნიკოლოზ სარაულთან.
– როგორია სტატისტიკური მონაცემები მსოფლიოსა და საქართველოში საშვილოსნოს ყელის სიმსივნის გავრცელების კუთხით?
– ზოგადად, ონკოლოგია რთული სფეროა, რომელიც უამრავ დაავადებას აერთიანებს, საშვილოსნოს ყელის სიმსივნე კი, მეორე ადგილზეა სიკვდილიანობის მიხედვით ძუძუს კიბოს შემდეგ. დაავადების პრევენცია იმ სკრინინგ-პროგრამით შეიძლება, რომელსაც სახელმწიფო უზრუნველყოფს, რადგან სწორედ სკრინინგი ადგენს საშვილოსნოს ყელის კიბოს, საშვილოსნოს ყელის ფონურ დაავადებებს ადრეულ სტადიაზე და ერთგვარ მიმართულებას გვაძლევს შემდგომი მკურნალობისთვის.
– რამდენად ხშირია დაგვიანებული შემთხვევები, რომელთა მკურნალობა შეუძლებელია?
– სამწუხაროდ, საქართველოში ნაკლებადაა დამკვიდრებული პრევენციის მიზნით სამედიცინო შემოწმების გავლის კულტურა. ჩვენ მეტწილად დაავადების მეორე ან მესამე სტადიაზე გვაკითხავენ, თუმცა იმედი გვაქვს, რომ ახალგაზრდა თაობა უფრო მეტ ყურადღებას გამოიჩენს საკუთარი ჯანმრთელობის მიმართ. ზოგადად, სკრინინგის ჩატარება 3 წელიწადში ერთხელაა რეკომენდებული, თუ რა თქმა უნდა, რაიმე დაზიანება ან პათოლოგია არ შეიმჩნევა.
– რა შესაძლებლობები აქვს 21-ე საუკუნის მედიცინას კიბოს სამკურნალოდ და რა მეთოდებს იყენებს კონკრეტულად თქვენი კლინიკა?
– რას ითვალისწინებს სარეაბილიტაციო კურსი?
– ჩვენ მკურნალობის ყველა ეტაპზე გუნდურად ვმუშაობთ და ერთდროულად ვთანამშრომლობთ ყველა პროფილის ექიმთან, რაც არა მხოლოდ მედიკოსებს უმარტივებს საქმეს, არამედ პაციენტის რეაბილიტაციასა და სწრაფად გამოჯანმრთელებასაც უწყობს ხელს.
– რამდენად მნიშვნელოვანია ყველა სპეციალისტისა და მომსახურების ერთ კლინიკაში თავმოყრა?
– რა თქმა უნდა ძალიან მნიშვნელოვანია, რადგან მხოლოდ ასე შეიძლება მეტად ვერაგი დაავადების დამარცხება.
– რამდენად განკურნებადია სიმსივნური დაავადებები?
– საბედნიეროდ, 21-ე საუკუნეში კიბო განაჩენი აღარაა, თუმცა, წარმატებულ მკურნალობას მხოლოდ დროული დიაგნოზირება უზრუნველყოფს. სწორედ ამიტომ ვანიჭებთ განსაკუთრებულ ყურადღებას სკრინინგს, რომელიც სასიკეთო შედეგის და ჯანსაღი ცხოვრების მთავარი გარანტორია.
Fortuna.ge
