Jandacva.ge
საქართელოში კოვიდ-სტატისტიკა დღეს მკვეთრად გაუარესდა. გაიზარდა გარდაცვალების დღიური მაჩვენებელი – ბოლო 24 საათში ქვეყანაში კოვიდ ინფექციამ 24 ადამიანი იმსხვერპლა. ბოლო დღეებში ლეტალობის მონაცემი 20-ს ქვემოთ იყო.
ასევე გაიზარდა დადებითობის, ანუ ჩატარებული ტესტებიდან ინფექციის დადასტურების მაჩვენებელი – გუშინ ეს მონაცემი 2,35% იყო, დღეს კი 3.27%-ია. გასულ დღე-ღამეში კორონავირუსი 914 ადამიანს დაუდასტურდა.
შემცირდა ვაქცინაციის ტემპებიც – გუშინ 3847 ადამიანი აიცრა, სულ აცრილია 238220 მოქალაქე.
სტაციონარში მეთვალყურეობის ქვეშ 2698 ინფიცირებული იმყოფება.
სტატისტიკური მონაცემებით, ინფიცირებულთა თითქმის 34% სტაციონარებშია მოთავსებული.
