Jandacva.ge
მიმდინარე წლის 1 ივლისის მდგომარეობით ორსულებში COVID-19-ის დადასტურებული შემთხვევების ჯამური რაოდენობა შეადგენდა 15 103, მათ შორის: 2020 წელს – 3 362 ; 2021 წელს – 7 326 ; 2022 წელს – 4 415.
ამის შესახებ ნათქვამია დაავადებათა კონტროლის ეროვნული ცენტრის მიმოხილვაში
„COVID-19 საქართველოში, დაავადებათა კონტროლისა და საზოგადოებრივი ჯანმრთელობის ეროვნული ცენტრის 2020-2022 წლების ანგარიში მე-9 გადახედვა“.
დოკუმენტის თანახმად, 2022 წლის 1 ივლისის მდგომარეობით საქართველოში აღირიცხა COVID-19-ით განპირობებული დედათა სიკვდილის 25 შემთხვევა, მათ შორის 2020 წელს – 1 შემთხვევა, 2021 წელს 24.
„COVID-19-ით განპირობებული დედათა სიკვდილიანობის 25 შემთხვევიდან 24-ს შემთხვევაში შესაძლებელი იყო ვაქცინაციის ჩატარება (2021 წლის 15 მარტის შემდგომ), მაგრამ არც ერთ შემთხვევაში ვაქცინაცია ჩატარებული არ იყო,“ – ნათქვამია ანგარიშში.
