Jandacva.ge
მთავრობის მიერ საყოველთაო ჯანდაცვის რეფორმის მეორე ტალღის დაწყებაზე საუბრობს დიმიტრი ხუნდაძე.
პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილე ამბობს, რომ საყოველთაო ჯანდაცვის პროგრამას, ის კლინიკები გამოეთიშებიან, რომლებიც ვერ უზრუნველყოფენ სამინისტროს მიერ შემუშავებული კრიტერიუმების შესრულებას.
დიმიტრი ხუნდაძის განმარტებით, პროგრამაში ჩართული კლინიკების შემოწმების პროცესი წელიწადნახევრის წინ დაიწყო.
“ჯანდაცვის სამინისტრომ დაიწყო მონიტორინგი კლინიკების და იყო რეკომენდაციის მექანიზმები, ბევრმა კლინიკამ ეს გაითვალისწინა, მაგრამ იმ კლინიკებმა, რომლებმაც არ გაითვალისწინეს რეკომენდაციები, ისინი ვერ ასრულებენ მოთხოვნებს, რასაც სახელმწიფო წააყენებს, ანუ ისინი ვერ უზრუნველყოფენ მაღალი სამედიცინო მომსახურეობის მიწოდებას მოსახლეობისათვის, რა თქმა უნდა ისინი გაეთიშებიან კლინიკებს,“ – განაცხადა პარლამენტის ჯანდაცვისა და სოციალურ საკითხთა კომიტეტის თავმჯდომარის მოადგილემ დიმიტრი ხუნდაძემ.
