“დადებითობის” მაჩვენებელი მკვეთრად იზრდება, 3 დღეში COVID 19-ს 53 ადამიანი ემსხვერპლა

საქართველოში კორონავირუსის ე.წ. დადებითობის მაჩვენებელი მკვეთრად გაიზარდა.  გასულ დღე-ღამეში ჩატარებული  7476 ტესტიდან დადებითი პასუხი 509 პირს, ანუ თითქმის 7%-ს მოუვიდა. გუშინ აღნიშნული მაჩვენებელი 7%-ს აჭარბებდა.  ბოლო 14 დღის დადებითობის მაჩვენებელი 5%, ბოლო 7 დღეში კი 5,6%-ია. 

შედარებით შემცირდა გარდაცვალების დღიური მაჩვენებელი – გასულ დღე-ღამეში ქვეყანაში კორონავირუსისგან 12 პირი დაიღუპა, გუშინ გარდაცვლილთა რაოდენობა 21 იყო,  1 მაისს კი 20.

უკვე 4 ათასს გადააჭარბა სტაციონარში მყოფი პაციენტების რაოდენობამ. კლინიკურ სასტუმროში კი 790 პირი იმყოფება.