Jandacva.ge
COVID-19-ის საწინააღმდეგო ვაქცინაციის წახალისების პროგრამა 31 მარტამდე გაგრძელდა. მანამდე ეს ვადა პირველ მარტამდე იყო განსაზღვრული. ინფორმაციას დაავადებათა კონტროლის ეროვნული ცენტრი ავრცელებს ცენტრის ინფორმაციით, 200 ლარიანი წახალისების პროგრამით სარგებლობა 50 წლის და უფროსი ასაკის საქართველოს მოქალაქეებს ვაქცინაციის პირველი დოზის გაკეთების შემდეგ შეუძლიათ.
ამავე ასაკობრივი ჯგუფის პირები ბუსტერის გაკეთების შემთხვევაში 100 ლარს მიიღებენ.
იმ მოქალაქეებს, რომელთა ასაკი საპენსიო ასაკს არ შეესაბამება, სოციალური სააგენტო ლიბერთი ბანკთან არსებული ხელშეკრულების ფარგლებში ანგარიშებს თავად გაუხსნის.
ვაქცინაციაზე რეგისტრაციისთვის შეგიძლიათ დარეკოთ 1522 ან ეწვიოთ booking.moh.gov.ge
ასევე შესაძლებელია რეგისტრაციის გარეშე მიმართოთ უახლოეს ამცრელ პუნქტს
