სტაბილურობის პერიოდის შემდეგ კორონავირუსის ახალი ტალღა იწყება – ინფიცირების მაჩვენებელი 4 ათასამდეა

ბოლო 24 საათში კორონავირუსი 3 567 ადამიანს დაუდასტურდა, რაც გუშინდელ მაჩვენებელს 130-ით აღემატება. 

ასევე გაიზარდა გარდაცვალების მაჩვენებელი – იმავე პერიოდში გარდაიცვალა 41 პაციენტი. 

იზრდება დადებითობის მაჩვენებელი, რომელმაც დღიურ ჭრილში 8,65%, 14 დღეში 6,18%, ბოლო 7 დღეში კი 7,43% შეადგინა. ერთ დღეში 7 867 ადამიანი აიცრა. 

სტაციონარში მეთვალყურეობის ქვეშ 4 372 ადამიანი იმყოფება.