Jandacva.ge
საქართველოში კორონავირუსით გარდაცვლილთა რაოდენობამ უკვე 11 ათასს გადააჭარბა და 11 057 შეადგინა. შეგახსენებთ, რომ 10-ათასიან ნიშნულს ეს მაჩვენებელი 30 ოქტომბერს ასცდა. შესაბამისად, ქვეყანაში ორ კვირაში კოვიდ 19-მა 1000 ადამიანი იმსხვერპლა.
მხოლოდ ბოლო 24 საათში 82 პაციენტი დაიღუპა.
ვირუსი დაუდასტურდა 1 820 ადამიანს. დადებითობის მაჩვენებელია: დღიური – 9,03%, ბოლო 14 დღის – 9,97%, ბოლო 7 დღის – 9,52%
შემცირდა აცრების მაჩვენებელი, რაც, დადასტურებული შემთხვევების მსგავსად, შაბათ-კვირის ეფექტის შედეგია – ერთ დღეში 1 874 ადამიანი აიცრა.
სტაციონარში მეთვალყურეობის ქვეშ 6 847 პაციენტი იმყოფება.
