ეპიდემიოლოგიური ინდიკატორები მცირედით გაუმჯობესდა

გასულ დღე-ღამეში საქართველოში კორონავირუსის 4 009 შემთხვევა დაფიქსირდა, რაც ბოლო დღეებთან შედარებით შემცირებული რაოდენობაა. მცირედით, თუმცა მაინც გაუმჯობესებულია დადებითობის მაჩვენებელი და შეადგენს: დღიური – 8,69%, ბოლო 14 დღის – 8,97%, ბოლო 7 დღის – 8,89%.

ამასთან, გაიზარდა ლეტალობის მაჩვენებელი – გასულ 24 საათში კორონავირუსს 45 ადამიანი ემსხვერპლა.

ისევ შემცირდა ვაქცინაციის ტემპები – ერთ დღეში  3 951 ადამიანი აიცრა.