საავადმყოფოების და ამბულატორიული მომსახურება 5%-ით გაძვირდა, ფასები სამედიცინო პროდუქციაზეც გაიზარდა  

აგვისტოს მდგომარეობით, წლიურ ჭრილში, ჯანმრთელობის დაცვის ჯგუფში ფასები 10.9%-ითაამომატებული. საქსტატის მონაცემებით, ფასები გაზრდილია სამედიცინო პროდუქციის, აპარატურის და მოწყობილობის (17.9 პროცენტი), საავადმყოფოების მომსახურების (5.3 პროცენტი) და ამბულატორიული სამედიცინო მომსახურების (5.0 პროცენტი) ქვეჯგუფებზე.

2021 წლის აგვისტოს ინფლაციის ანგარიში საქსტატმა დღეს გამოაქვეყნა. დოკუმენტის თანახმად, წლიური ინფლაცია ბოლო 10 წლის მაქსიმუმზეა და 12.8%-ს შეადგენს.