Jandacva.ge
“საყოველთაო ჯანდაცვის პროგრამა კრახით დამთავრდა. წყალში გადაიყარა ასეულობით მილიონი ფული და დაიკარგა მრავალი წელი”,
– ამის შესახებ “ნაციონალური მოძრაობის” წევრი რომან გოცირიძე “ფეისბუქის” საკუთარ გვერდზე წერს.
“მთავრობა ახალი მოდელის ძიებაშია, რასაც მოჰყვება გაურკვევლობისა და გარდამავლობის პერიოდი, რომელიც მძიმედ დაარტყამს მოსახლეობის ჯანმრთელობას.
ნორმალურ ქვეყანაში მთავრობაც გადამდგარი იქნებოდა და ჯანდაცვის სამინისტროს ყველა პასუხისმგებელი პირი კინწისკვრით გამოგდებული კაბინეტებიდან”, – აცხადებს რომან გოცირიძე.
ცნობისთვის, საყოველთაო ჯანდაცვის პროგრამის ბენეფიციარებისთვის დიფერენცირებული სერვისები ამოქმედდება.
