3-5-დღანი სიცხე, სიმსუქნე და სხვა ჩვენებები – ინფიცირებული ბავშვების ჰოსპიტალიზაციის ახალი კრიტერიუმები

როგორია ბავშვების ჰოსპიტალიზაციის კრიტერიუმები?

ახალი სტანდარტები ჯანდაცვის მინისტრის ბრძანებით დამტკიცებული ცვლილებებით შევიდა ძალაში,  რომლებიც შესაბამის პროტოკოლში („ახაალი კორონა ვ ირუსით ( SARS -CoV- 2 ) გამოწვეული ინფექციის (COVID- 1 9 ) დიაგნოსტიკა, მართვა და პრევენცია პედიატრიულ პაციენტებში”)  შევიდა.

 კრიტერიუმები შემდეგია:

რეკომენდებულია ჰოსპიტალიზებული იყოს ყველა პედიატრიული პაციენტი, რომელიც შეესაბამება შემთხვევის განსაზღვრებას, როგორც დადასტურებული/საეჭვო COVID-19, აქვს დაავადების სიმპტომები და ერთ-ერთი რომელიმე ქვემოთ ჩამოთვლილი მაღალი რისკის კრიტერიუმი:

• <1 წლამდე ასაკის ჩვილი
• კლინიკურად ან რენტგენოგრაფიულად დადასტურებული პნევმონია
• SpO₂ <92% ოთახის ჰაერზე.
• სუნთქვის უკმარისობა.
• თანარსებული ქრონიკული მდგომარეობა:
• ფილტვების ქრონიკული დაავადება (ზომიერი ან მძიმე ასთმა).
• გულსისხლძარღვთა დაავადებები.
• თირკმელების ქრონიკული დაავადება.
• ღვიძლის ქრონიკული დაავადება.
• ნერვ-კუნთოვანი დაავადება.
• ენდოკრინული დარღვევები (მაგ., შაქრიანი დიაბეტი).
• მეტაბოლური დარღვევები.
• იმუნოსუპრესიული პაციენტი (კიბო, ქიმიოთერაპია, სხივური თერაპია, ორგანოს გადანერგვას, იმუნომოდულაცია და გლუკოკორტიკოიდების მაღალი დოზა).
• მულტისისტემური ანთებითი სინდრომის და კავასაკის დაავადების მსგავსი კლინიკური მახასიათებლები
• გასტროენტერიტის სურათი ზომიერი ან მძიმე დეჰიდრატაციით
• მუდმივი მაღალი ტემპერატურა 3-5 დღის განმავლობაში.
• დაავადების ხანგრძლივობა 1 კვირაზე მეტია და არ არის გაუმჯობესება ან გამწვავება პროგრესირებს.
• მძიმე სიმსუქნე (სხეულის მასის ინდექსი ≥120% 95-ე პერცენტილზე).