Jandacva.ge
,,კადრებს ვერ შევამცირებთ, პირიქით, რაოდენობა უნდა გაიზარდოს“ ჯანდაცვის მინისტრის მოადგილემ ვალერი კვარაცხელიამ შრომის, ჯანმრთელობისა და სოციალური დაცვის სამინისტროში მიმდინარე და სამომავლო ინფრასტრუქტურული პროექტების შესახებ აღნიშნა, რომ ამჟამად ოთხო ახალი კლინიკის მშენებლობა მიმდინარეობს დედოფლისწყაროში, ზუგდიდში, ლენტეხსა და ხარაგაულში.
გარდა მიმდინარე პროექტებისა, ვალერი კვარაცხელიამ სამომავლო პროექტებზეც ისაუბრა. როგორც მან აღნიშნა, დაგეგმილია ტუბერკულოზისა და ფილტვის დაავადებათა ეროვნული ცენტრის ბავშვთა ახალი 20–საწოლიანი კორპუსის მშენებლობა, რომელიც 2016 წლის აგვისტოს ბოლოს უნდა დასრულდეს.
გარდა ამისა, დაგეგმილია დაავადებათა კონტროლისა და საზოგადოებრივი ჯანმრთელობის ეროვნული ცენტრის ადმინისტრაციული კორპუსის მშენებლობა. აღნიშნული ინფრასტუქტურული პროექტებისთვის გამოყოფილი ხარჯები ჯამში დაახლოებით 60 მილიონ ლარს შეადგენს.
ვალერი კვარაცხელია სამინისტროში მიმდინარე და სამომავლო ინფრასტრუქტურული პროექტების გარდა, ასევე დაგეგმილ და უკვე განხორციელებულ ინფრასტრუქტურულ პროექტებთან ერთად სახელმწიფო საკუთრებაში არსებული სამი დიდი კლინიკის მართვაზე გამოცხადებულ ტენდერსაც შეეხო.
როგორც მინისტრის მოადგილის განცხადა, ბავშვთა ინფექციური, ონკოლოგიური და რესპუბლიკური საავადმყოფოები მაღალი დონის მრავალპროფილიან სამედიცინო დაწესებულებებად სახელმწიფო და კერძო სექტორის თანაარსებობით ჩამოყალიბდებიან.
,,სამი დიდი დაწესებულება – ბავშვთა ინფექციური საავადმყოფო, ონკოლოგიური ცენტრი და რესპუბლიკური საავადმყოფო დაუბრუნდა სახელმწიფოს და კონკურსი მიმდინარეობს პარტნიორის შერჩევაზე. ეს იქნება ე.წ. „PPP პროექტი“, რაც სახელმწიფო და კერძო სტრუქტურის თანაარსებობას გულისხმობს. მიგვაჩნია, რომეს ჩვენი ქვეყნისთვის ამ ეტაპზე ძალიან მნიშვნელოვანია და ამავე დროს სწორი გადაწყვეტილებაა. მსგავსი პროექტების მუშაობის გამოცდილება არსებობს დიდ ბრიტანეთში, თურქეთში და სხვა ქვეყნებში, ასე რომ, ახალი ველოსიპედის გამოგონება არ დაგვჭირვებია. ესენი იქნება მრავალფუნქციური და მაღალტექნოლოგიური, ე.წ. „მესამე დონის“ კლინიკები, სადაც პაციენტები მოხვდებიან გართულებების შემთხვევაში და მძიმე შემთხვევებში,“– აღნიშნა მინისტრის მოადგილემ.
მინისტრს მიაჩნია, რომ ეს ქვეყნისთვის ძალიან მნიშვნელოვანი და ამავე დროს სწორი გადაწყვეტილებაა. სახელმწიფო სექტორისა და კერძო სექტორის თანამშრომლობის აღნიშნული სისტემა მუშაობს ინგლისში, თურქეთსა და სხვა ქვეყნებში, საქართველოში სწორედ აღნიშნული გამოცდილების გადმოტანა განხორციელდება.
„ჩვენ მივიღებთ ძალიან მაღალიდონის საავადმყოფოებს, ეს იქნება მრავალფუნქციური, მაღალტექნოლოგიურიკლინიკები, ე.წ. მესამე დონის კლინიკები, სადაც პაციენტები მხოლოდგართულებულ, მძიმე შემთხვევებში მოხვდებიან“, – ითქვა ბრიფინგზე.
ვალერი კვარაცხელიამ ინფორმაციით, ჯანდაცვის ობიექტებთან მიმართებაში კერძო და სახელმწიფო სტრუქტურების თანაარსებობის შესახებ კანონის შექმნაზე ეკონომიკის სამინისტრო ამჟამად მუშაობს, ვინაიდან დღემდე შესაბამისი რეგულაციები არ არსებობს.
“ეკონომიკის სამინისტრო მუშაობს შესაბამისი კანონის შექმნაზე, რომელიც,სავარაუდოდ, მომავალი წლის დასაწყისისთვის იქნება შემუშავებული“, – აღნიშნაკვარაცხელიამ.
როგორც ვალერი კვარაცხელიამ განაცხადა, კლინიკების თანამედროვე ტექნიკით აღჭურვასთან ერთად იგეგმება მედპერსონალის გადამზადებაც.
,,კადრებს ვერ შევამცირებთ, პირიქით – რაოდენობა უნდა გაიზარდოს.მოგეხსენებათ დღეს არსებული რესურსის გამო კლინიკების 10 პროცენტი ფუნქციონირებს. ტენდერში გამარჯვებულმა კომპანიამ ტენდერის პირობების მიხედვით კადრების გადამზადებაც უნდა უზრუნველყოს. წელს საკმაოდ კარგი სიმულაციის ცენტრი გავხსენით და მუშაობა მიმდინარეობს სწორედ იმ კუთხით,რომ დავგეგმოთ პროგრამები, რომელთა ფარგლებშიც სწორედ იქ მოხდება კადრების გადამზადება.
სამივე კლინიკა ჯამში დაახლოებით 570 საწოლიანი უნდა იყოს, შესაბამისად , კლინიკის მმართელმა უნდა გადაწყვიტოს, თუ რამდენი მედპერსონალის გადამზადება იქნება საჭირო. ზუსთ ციფრებს ამ ეტაპზე ვერგეტყვით,“– განაცხადა ვალერი კვარაცხელიამ.
ტენდერის აუცილებლობასა და ჯანდაცვის სისტემის მუშაობასთან დაკავშირებით ჯანდაცვისა და სოციალურ საკითხთა კომიტეტის წევრმა გიგა ბუკიამ ისაუბრა.
“კლინიკების რეკონსტრუქცია–რეაბილიტაცია არა თუ დროული და საჭიროა,არამედ, მეტიც – ცოტა დაგვიანებულიც არის. მოგეხსენებათ, რა მდგომარეობაში იყო და არის ზოგადად ქვეყანაში ჯანდაცვის სისტემა, რაც გასულმა 25 წელმა დაგვიტოვა. აღნიშნულმა პერიოდმა სერიოზული დაღი დაასვა ჯანდაცვის სფეროსდა რომ არა ბოლო სამი წელიწადი, მდგომარეობა სავალალო იქნებოდა.ვფიქრობ, რომ ევროსტანდარტების კლინიკების არსებობა მნიშვნელოვან როლს შეასრულებს ჯანდაცვის სისტემის გამართულ მუშაობაში.
ზოგადად, მოგეხსენებათ,რომ ჯანდაცვის სისტემის მუშაობა საკმაოდ, დიდ ფინანსებს მოითხოვს და განვითარებულ ქვეყნებსაც კი უჭირთ სრულყოფილად სისტემის უხარვეზოდ მუშაობა. როდესაც პაციენტი მიდის კონკრეტულ სამედიცინო დაწესებულებაში,იქიდან შინ დაბრუნებული არ იყოს უკმაყოფილო და მისი ფინანსურიმდგომარეობა არ იყოს სრულყოფილი მკურნალობის ჩატარებისთვისხელისშემშლელი.
მოსახლეობას უნდა შეეძლოს მიიღოს ყველა ის სერვისი, რაც თანამედროვე მსოფლიოში მცხოვრებ ადამიანს უნდა შეეძლოს ზოგადად.დარწმუნებული ვარ, რომ ჩვენი პარტნიორი ქვეყნების მხარდაჭერით ჯანდაცვის სამინისტრო ამ მიმართულებითაც შეძლებს გამართული კლინიკების შექმნას როგორც სერვისების, ისე ხელმისაწვდომობის კუთხით. საჭიროა ადამიანური რესურსის გადამზადება და ტექნოლოგიური ცვლილებები. მართალია ამას არცთუისე მცირე დრო და ფინანსები სჭირდება, მაგრამ იმედი მაქვს, რომ მიზანი ძალიან მალე მიღწეული იქნება“, – აღნიშნა გიგა ბუკიამ.
აღნიშნულ ტენდერს, პარლამენტის ჯანდაცვის კომიტეტის წევრი ფატი ხალვაში გამოეხმაურა:
„ისფაქტი, რომ სამი მსხვილი საავადმყოფოს რეკონსტრუქციისთვის ტენდერი გამოცხადდა, ვფიქრობ, პირველ რიგში, ისევ და ისევ მოსახლეობისთვისაა სასიკეთო. ეს სფერო დროთა განმავლობაში გარკვეულწილად, უყურადღებოდ იყო დატოვებული. რაც შეეხება ტენდერის პირობებს, დეტალებში არ გავცნობივარ, რომ უფრო რეალურად შევაფასო მოსალოდნელი შედეგები, თუმცა ის, რაც კეთდება გლობალურად ქართულ მედიცინაში, ზოგადად ჩანს, რომ ყველა ნაბიჯი გათვლილია მოსახლეობისა და პაციენტების სასარგებლოდ.
სახელმწიფოს ერთ–ერთი მთავარი პრიორიტეტი დღეს ჯანდაცვაა და რადგან ასეთი კურსი გვაქვს აღებული, ვფიქრობ, რომ ამ საავადმყოფოების რეაბილიტაციაც სწორედ, ამ დიდი მიზნის მნიშვნელოვანი ნაწილი იქნება“, – განაცხადა ფატი ხალვაშმა.
შეგახსენებთ, რომ რესპუბლიკური საავადმყოფოს, ონკოლოგიური ცენტრისა დაბავშვთა ინფექციური საავადმყოფოს მართვაზე, ფლობასა და ოპერირებაზე გამოცხადებული ტენდერის მეორე ტურში მხოლოდ ავსტრიული კონსორციუმი „ალფამედიკი” გადავიდა. სრული დოკუმენტაცია ვადებში სწორედ აღნიშნულმა კომპანიამ წარადგინა. სატენდერო მოთხოვნების შესაბამისად, ზემოაღნიშნული 3კლინიკა დაპროექტებული, აშენებული და/ან რეკონსტრუირებული უნდა იქნას ევროკავშირის სტანდარტების შესაბამისად, მათ შორის, აღიჭურვოს მაღალხარისხიანი სამედიცინო ტექნოლოგიებით.
გამარჯვებულმა კონსორციუმმა უნდა უზრუნველყოს განხორციელებული პროექტის JCI სტანდარტების შესაბამისად აკრედიტაცია, ხოლო პერსონალისთვის ატესტაციის გავლა და სწავლება პერსონალის განვითარების სპეციალური პროგრამის შესაბამისად. პროექტი უნდაწარიმართოს გაერთიანებულ სამეფოში მიღებული ჯანდაცვის მოდელის მსგავსად.პირობების მიხედვით, გამარჯვებული კონსორციუმი ვალდებული იქნება PPPპრინციპით, სახელმწიფოსთან ერთად მოახდინოს საავადმყოფოების მართვა,ფლობა და ოპერირება.
