Jandacva.ge
სურამში სადაბო პოლიკლინიკის სარეაბილიტაციო სამუშაოები მიმდინარეობს. როგორც „ინტერპრესნიუსს“ ხაშურის მუნიციპალიტეტიდან აცნობეს, ხაშურის მუნიციპალიტეტის გამგებელმა გიორგი გურასპაშვილმა მუნიციპალიტეტის გამგეობის წარმომადგენლებთან ერთად დაბა სურამში სადაბო პოლიკლინიკის სარეაბილიტაციო სამუშაოები დაათვალიერა.
სურამში სადაბო პოლიკლინიკის რეაბილიტაციის სამუშაოებისთვის ადგილობრივი ბიუჯეტიდან 95 980 ლარი გამოიყო. პროექტის ფარგლებში მოხდება შენობის ფასადის შეღებვა, გამოიცვლება სახურავი, კარ-ფანჯარა, იატაკი, ახლად მოეწყობა შიდა კიბის უჯრედი.
სამუშაოები 2017 წლის იანვარში დასრულდება.
interpressnews.ge
