სომხეთში წამლის ორმაგი გადაფუთვის ფაქტები აღმოაჩინეს

სომხეთის კონტროლის პალატამ სახელმწიფო შესყიდვების განხორციელებისას მედიკამენტების ორმაგი გადაფუთვის შემთხვევა აღმოაჩინა.

ამის შესახებ საუბარია კონტროლის პალატის 2015 წლის მოხსენებაში. 2014 წელს სომხეთის ჯანდაცვის სამინისტრომ შეიძინა მედიკამენტ დესმოპრესინის 4 677 შეფუთვა. თოთოეული შეფუთვა  შეძენილი იყო 5 789 დრამად (27 ლარად).

ეს მაშინ, როდესაც მედიკამენტი სომხეთში იმპორტირებული იყო 2 720 დრამად, ანუ 13 ლარად, რაც ორჯერ ჩამოუვარდება სახელმწიფო შესყიდვისას გადახდილ თანხას. იგივე მედიკამენტი 2015 წელს სომხეთში 5 267 დრამად  (24 ლარი და 50 თეთრი) შეისყიდეს, მაშინ როდესაც ის იმპორტირებული იყო 3000 დრამად (13 ლარი და 98 თეთრი).

2015-შივე სახელმწიფო შესყიდვის შედეგად შეძენილი იყო გლიკაზიდის 358 500 შეფუთვა, რომლის იმპორტირებული ფასი  27.2 დრამს შეადგენდა, აღმოჩნდა, რომ სახელმწიფომ ის 44,7 დრამად ანუ 60%-ით ძვირად შეიძინა.

ამ ფაქტთან დაკავშირებით კონტროლის პალატის ანგარიში წამლის შესახებ კანონში განსახორციელებელ ცვლილებებს შეეხო, რაც პირველი მოსმენით პარლამენტმა უკვე განიხილა და მთავრობას განსახილველად გადაეგზავნა.

news.am