Jandacva.ge
ჯანდაცვის მინისტრმა დავით სერგეენკომ მასმედიის წარმომადგენლებს პირველად სამედიცინო დახმარებაში მასტერკლასი ჩაუტარა.
ჯანდაცვის უწყების ხელმძღვანელმა ჟურნალისტებს, ეროვნული სასწავლო ცენტრის ვესტიბიულში განთავსებული მულაჟები დაათვალიერებინა და მათ მაგალითზე უჩვენა, როგორ ხდება დაშავებულისთვის გადაუდებელი სამედიცინო დახმარების გაწევა.
ჯანდაცვის სამინისტროს ეროვნული სასწავლო ცენტრი გასული წლის სექტემბრიდან მოქმედებს. დაწესებულება სხვადასხვა სახის სასწავლო ინვენტარითაა აღჭურვილი, სადაც შესაძლებელია, სამედიცინო ტრენინგების ჩატარება და სიმულაციების მოწყობა.
