Jandacva.ge
2015 წლის 30 ნოემბრიდან 1 დეკემბრის ჩათვლით ჯანმრთელობის მსოფლიო ორგანიზაციის მხარდაჭერით დაავადებათა კონტროლის და საზოგადოებრივი ჯანმრთელობის ეროვნული ცენტრის რიჩარდ ლუგარის სახელობის საზოგადოებრივი ჯანმრთელობის კვლევით ცენტრში მიმდინარეობს სამუშაო შეხვდრა ანტიბიოტიკორეზისტენტობის საკითხებზე.
შეხვედრაში მონაწილეობას იღებენ საქართველოს შრომის, ჯანმრთელობისა და სოციალური დაცვის სამინისტროს, დაავადებათა კონტროლის და საზოგადოებრივი ჯანმრთელობის ეროვნული ცენტრის, ჯანმრთელობის მსოფლიო ორგანიზაციის ცენტრალური და ევროპული ოფისის, ჰოლანდიის და ხორვატიის, აშშ-ს საზოგადოებრივი ჯანმრთელობის ცენტრის წარმომადგენლები. ასევე, საქართველოს წამყვანი კლინიკების მენეჯერები და მიკრობიოლოგები.
