Jandacva.ge
როგორც ცნობილია, სახელმწიფო თბილისის სამი საავადმყოფოს რეკონსტრუქციას გეგმავს. ამის თაობაზე საპარტნიორო ფონდს ტენდერი ჰქონდა გამოცხადებული.
ტენდერის მოსალოდნელი შედეგების მიხედვით, იგეგმება ბავშვთა ინფექციური, რესპუბლიკური საავადმყოფოებისა და ონკოლოგიური ცენტრის რეკონსტრუქცია, აღჭურვა და მედპერსონალის გადამზადება.
პედიატრი ნინო ჩხეიძე მიესალმება სამი საავადმყოფოს განვითარების პროექტს და მიიჩნევს, რომ თუ მსგავსი ცვლილებები რაიონებიდან და ამბულატორიებიდან დაიწყება, ეს ჯანდაცვის სისტემას მეტად გააჯანსაღებს:
„მე ძალიან მომწონს და მივესალმები სამი საავადმყოფოს რეკონსტრუქცია-განვითარების პროექტს, თუმცა თუ მსგავსი რეკონსტრუქციები დაიწყება ამბულატორიებიდან, პირველადი რგოლიდან, ეს მეტად გააჯანსაღებს ჯანდაცვის სისტემას. პირველად რგოლში მოძველებული სამედიცინო აღჭურვლობა აქვთ და მათ მიმართ ნდობის ხარისხი შედარებით დაბალია.
მე სტაციონარის ექიმი ვარ, თუმცა გადამზადება გავლილი მაქვს და ვფლობ ოჯახის ექიმის სერტიფიკატსაც. მზად ვარ, გავიარო კურსები, ტრენინგები და თუ მექნება ღირსეული ანაზღაურება, ჩემი განათლების და ცოდნის შესაბამისი, სიამოვნებით გადავინაცვლებდი პირველად რგოლში“.
