Jandacva.ge
დალასის ნაფიც მსაჯულთა სასამართლომ, კომპანია Johnson & Johnson-სა და მის დანაყოფ DePuy Orthopaedics-ს, მენჯ-ბარძაყის უხარისხო ენდოპროთეზების Pinnacle-ის გამო, დაახლოებით 1 მილიარდი აშშ დოლარის კომპენსაციის გადახდა დააკისრა. ამის შესახებ Reuters წერს.
ნაფიცმა მსაჯულებმა დაადგინეს, რომ Pinnacle-ის პროთეზები დეფექტიანია, რის შესახებაც მომხმარებლები არ იყვნენ ინფორმირებულნი.
ცნობილი ხდება, რომ Johnson & Johnson-ის წინააღმდეგ ამ პროთეზების გამო 8 ათასი საჩივარი იყო შეტანილი.
კომპანიაში აცხადებენ, რომ სასამართლოს გადაწყვეტილებას გაასაჩივრებენ.
