Jandacva.ge
დიდი ბრიტანეთის მთავრობის გადაწყვეტილება საბიუჯეტო ხარჯების შემცირების შესახებ ქვეყნის მასშტაბით მუნიციპალური აფთიაქების მეოთხედს დახურვით ემუქრება.
გაერთიანებული სამეფოს ჯანდაცვის მინისტრის ალისტარ ბერტის განცხადებით, ეს გადაწყვეტილება ქვეყნის დაახლოებით 3000-მდე აფთიაქის გაუქმებას ნიშნავს. საინტერესოა, რომ ბრიტანეთის მასშტაბით მუნიციპალური აფთიაქების რაოდენობა 11 000-ს აღემატება. მთავრობის მიერ საბიუჯეტო ხარჯების შემცირება კი დიდი ბრიტანეთის გარკვეულ რაიონებს აფთიაქის გარეშე დატოვებს.
ბრიტანეთის მთავრობის 2015 წლის დეკემბრის გადაწყვეტილებით მომდევნო 2 წლის განმავლობაში საბიუჯეტო ხარჯები 170 მილიონი ფუნტი სტერლინგით შემცირდება.
