დღეს დაუნის სინდრომის მსოფლიო დღისადმი მიძღვნილი კვირეული გაიხსნა

დღეს 16.00 საათზე ექსპო ჯორჯიაში დაუნის სინდრომის მსოფლიო დღისადმი მიძღვნილი კვირეული ოფიციალურად გაიხსნა.

კვირეულზე წარმოდგენილია ფოტო გამოფენა ,,ჩემი მეგობარი“, სადაც დამთვალიერებლებს პროფესიონალი ფოტოხელოვანების მიერ გადაღებული ფოტოების ნახვა შეუძლიათ.

2016 წელს დაუნის სინდრომის მსოფლიო დღის სლოგანია ჩემი მეგობრები – ჩემი გარემოცვა, ამ დღის სიმბოლოდ კი წელს ასეთი წინდები შეირჩა .

კვირეულის ფარგლებში ასევე იგეგმება:

• 15 მარტი, 18:00 _ დისკუსია თემაზე „დაუნის სინდრომის მქონე ადამიანთა გამოწვევები დღევანდელ საქართველოში“. ვაკის მედიათეკა, ვაკის პარკი
• 18 მარტი, 11:00 _ კონფერენცია „დაუნის სინდრომის მქონე ადამიანთა გამოწვევები დღევანდელ საქართველოში“. იუსტიციის სასწავლო ცენტრი, სანდრო ეულის 3ა
• 19 მარტი, 18:00 _ პერფომანსი – „მეგობART”. დ.შევარდნაძის ეროვნული გალერეა
• 21 მარტი, 12:00 _ მსვლელობა ვაკის პარკი-დან თსუ პირველი კორპუსამდე
• 21 მარტი, 19:00 _ სპექტაკლი „პატარა უფლისწული“. მოძრაობის თეატრი, მუშტაედის ბაღი