Jandacva.ge
შრომის, ჯანმრთელობისა და სოციალური დაცვის მინისტრი დავით სერგეენკო სამინისტროს 3 წლიანი მუშაობის ანგარიშს ხვალ წარადგენს.
C ჰეპატიტის ელიმინაციის პროგრამა ერთ-ერთი მთავარი წარმატებული პროექტია, რომელიც ქვეყნის ჯანდაცვის სფეროში განხორციელდა. ამ დროისთვის მკურნალობას 3100 პაციენტი გადის. საყოველთაო ჯანდაცვის პროგრამა და მისი შედეგები, რეცეპტების ინსტიტუტი ეს იმ პროგრამების არასრული ჩამონათვალია, რომლებზეც ხვალ დავით სერგეენკო თავად ისაუბრებს.
2015 წელს აღდგა შრომის ინსპექტორების ინსტიტუტიც, რათა უზრუნველყოფილი იყოს დასაქმებულთა შრომის უსაფრთხო პირობები. ანგარიშზე საუბარი სოციალური მიმართულებით განხორციელებულ რეფორმებსაც შეეხება. მოწვეულ სტუმრებს შორის იქნებიან მთავრობის, წევრები, სამედიცინო საზოგადოება და დოპლომატიური კორპუსი.
