აშშ-ს ჯანმრთელობის დეპარტამენტის მდივნის თანაშემწე საქართველოშია

ამერიკის შეერთებული შტატების ჯანმრთელობისა და ადამიანური სერვისების დეპარტამენტის სახელმწიფო მდივნის თანაშემწე გლობალურ საკითხებში ჯიმი ჯოზეფ კოლკერი ინფექციური პათოლოგიის, შიდსისა და კლინიკური იმუნოლოგიის სამეცნიერო პრაქტიკული ცენტრს ესტუმრა.

ჯიმი ჯოზეფ კოლკერი ადგილზე შრომის, ჯანმრთელობისა და სოციალური დაცვის მინისტრის მოადგილესთან, ნინო ბერძულთან ერთად მივიდა და მისგან მიიღო ინფორმაცია C ჰეპატიტის ელიმინაციის პროგრამის შესახებ. ინფექციური პათოლოგიისა და შიდსის ცენტრის გენერალურმა დირექტორმა, თენგიზ ცერცვაძემ კი ელიმინაციის პროგრამის განხორციელებაში ცენტრის ჩართულობისა და უწყების საქმიანობის შესახებ ზოგადი ინფორმაცია გააცნო.

ამერიკის შეერთებული შტატების ჯანმრთელობისა და ადამიანური სერვისების დეპარტამენტის სახელმწიფო მდივანი ოფიციალური ვიზიტით საქართველოში პირველად იმყოფება. ორი დღის განმავლობაში ის შეხვედრას სხვადასხვა უწყების ხელმძღვანელ პირთან გამართავს და საქართველოს 19 ნოემბერს დატოვებს.

Jandacvis Saministro