Jandacva.ge
ანტიბიოტიკების შესახებ ინფორმირებულობის მსოფლიო კვირეულთან დაკავშირებით პრესკონფერენცია შრომის, ჯანმრთელობისა და სოციალური დაცვის მინისტრმა, დავით სერგეენკომ გახსნა.
მან ყურადღება ანტობიოტიკების არამიზნობრივად გამოყენებასა და მოსალოდნელი საფრთხის მასშტაბზე გაამახვილა.
„ეს არის მსოფლიო ჯანდაცვის ერთ-ერთი მზარდი გამოწვევა. ანტიბიოტიკს აქვს კონკრეტული ფუნქცია. აუცილებელია, მისი გამოყენება ექიმის ჩვენებით და არა თვითმკურნალობით, რადგან მოსალოდნელი საფრთხეები გლობალური მასშტაბისაა,“ – აღნიშნა დავით სერგეენკომ.
2017 წელს კვირეული სამედიცინო მომსახურების სფეროში მედპერსონალის კრიტიკულ როლზე, ინფექციების პრევენციასა და ანტიბიოტიკებისადმი რეზისტენტობის შემცირებაზეა ფოკუსირებული. „გამოიყენეთ ანტიბიოტიკები ფრთხილად“ – წლევანდელი კვირეულის დევიზია და ანტიმიკრობულ რეზისტენტობაზე საზოგადოების სხვადასხვა ჯგუფის ცნობიერების ამაღლებას ემსახურება.
ანტიბიოტიკების შესახებ ინფორმირებულობის მსოფლიო კვირეული ჯანდაცვის მსოფლიო ორგანიზაციის ინიციატივით, 2015 წლიდან აღინიშნება.
