Jandacva.ge
მსოფლიოში ყველაზე მკაცრმა რეგულატორმა, FDA-მ (ამერიკის წამლების ფედერალური კომისია) მრავალწლიანი გამოცდების შემდეგ, სიმსივნის სამკურნალო, ახალ, რევოლუციურ საშუალებად, ჰერპესის ვირუსი აღიარა.
როგორც ყველაფერი არც ახალი წამალია პანაცეა. FDA-ში აცხადებენ, რომ ახალი წამალი ყველა ტიპის სიმსივნის და მელანომების სამკურნალოდ არ გამოდგება. განსაკუთრებით მცირდება წამლის ეფექტიანობა თუ სიმსივნის მეტასტაზები ფილტვებში ან თავის ტვინში გამრავლდება.
მიუხედავად ამისა, მკურნალობა, რომელიც ინექციის რამდენიმე კურსისგან შედგება 65 ათასი დოლარი ჯდება, ახალმა წამლმა სანამ მის ეფექტურობას აღიარებდნენ, საკმაოდ გრძელი გზა გაიარა. წამალზე მუშაობა თავდაპირველად ახლადშექმნილმა კომპანიამ „ბიოვექსა“ დაიწყო. ფინანსური რესურსის ამოწურვის შემდეგ, “ბიობექსმა“ კვლევითი სამუშაოების უფლება მილიარდ დოლარად Amgen–ს მიყიდა.
ექსპერიმენტები საერთო ჯამში 7 წელს გაგრძელდა და რამდენიმე მილიარდი დოლარი დაიხარჯა. ბიოლოგიურ მეცნიერებათა დოქტორის, ვავილოვის სახელობის გენეტიკური კვლევითი ცენტრის ხელმძღვანელის, სერგეი კისილოვის განცხადებით, ამერიკისა და დანარჩენი მსოფლიოსათვის ეს წამალი მართლაც რევოლუციური მიგნებაა, თუმცა არა ჩინეთისათვის.
როგორც კისილოვი ამბობს, მკურნალობის თითქმის იდენტურ მეთოდს ჩინეთში უკვე 5 წელია იყენებენ. მისივე თქმით, ახალმა წამალმა გაამართლა და ის დადებით შედეგებს იძლევა, თუმცა სიმსივნის მკურნალობის აპროპირებული მეთოდის, ქიმიოთერაპიის მსგავსად გვერდითი მოვლენები მასაც აქვს.
კისელოვი ადასტურებს, რომ ახალი წამალი მხოლოდ სიმსივნის ერთი ტიპის, მელანომის ანუ კანის სიმსივნის სამკურნალოდ არის ეფექტური განსხვავებით იმისა, რომელსაც ჩინელები იყენებენ. ჩინური წამალი სხვა ტიპის სიმსივნეებსაც ეფექტურად ებრძვის. კისელოვის განცხადებით, განსხვავებაა ისიც, რომ ჩინური წამალის ინექცია სისხლძარღვების მეშვეობით ხდება, მაშინ როცა ამერიკული აუცილებლად სიმსივნით დაზიანებულ კონკრეტულ ლოკაციაზე კეთდება. კისელოვის განცხადებით, ამერიკაში ეს არის პირველი გენოთერაპიული პრეპარატი რომელიც სიმსივნეს ებრძვის.
