Jandacva.ge
ბოლო დღე-ღამეში რუსეთში კორონავირუსით 1247 ადამიანი გარდაიცვალა, რაც პანდემიის დასაწყისის შემდეგ ახალი რეკორდია. უკვე ზედიზედ მე-9 დღეა ქვეყანაში დღე-ღამეში კოვიდ 19-ით 1200-ზე მეტი ადამიანი იღუპება.
ოფიციალური ინფორმაციით, პანდემიის განმავლობაში რუსეთში COVID-19-სგან 260 ათასამდე ადამიანი დაიღუპა. სტატისტიკის სამსახურის თანახმად კი, რომელსაც თავის მონაცემებში კოვიდის ფონზე არსებული დაავადებების შედეგად გარდაცვლილთა რაოდენობაც შეჰყავს, მხოლოდ აგვისტოში უკვე 417 ათას ადამიანზე მეტი იყო გარდაცვლილი.
ქვეყანაში ერთერთ მთავარ გამოწვევად რჩება აცრების დაბალი მაჩვენებელი და ვაქცინაციის ყალბი სერთიფიკატების გაყიდვის შემთხვევების გახშირება.
ეპიდემიოლოგები აცხადებენ, რომ ასეთი ადამიანები ახალი შტამების გამავრცელებლები არიან და საფრთხის ქვეშ აყენებენ საკუთარი ოჯახის წევრებს.
