ჯანმოს ევროპის რეგიონალური კომიტეტის 67-ე სხდომა გაიხსნა

11-14 სექტემბერს უნგრეთის დედაქალაქ ბუდაპეშტში ჩატარდება ჯანდაცვის მსოფლიო ორგანიზაციის ევროპის რეგიონალური კომიტეტის 67-ე სხდომა.

სხდომაში მონაწილეობას იღებენ ჯანმრთელობის მსოფლიო ორგანიზაციის 53 წევრი ქვეყნის ჯანდაცვის მინისტრები და სხვა ოფიციალური პირები, ასევე პარტნიორი ორგანიზაციები და სამოქალაქო საზოგადოება .

2017 წლის სხდომის დღის წესრიგშია ისეთი საკითხების განხილვა, როგორიცაა:

• 21-ე საუკუნის საზოგადოებრივი ჯანმრთელობის შესაძლებლობები და გამოწვევები,
• 2020 წლის მდგრადი განვითარების მიზნების პოლიტიკის ჭრილში
• გარემოს და ჯანმრთელობის გაუმჯობესება ჯანმრთელობის მდგრადი განვითარების 2020 და 2030 წლების გეგმის მიხედვით.
• ჯანდაცვის მსოფლიო ორგანიზაციის ევროპის რეგიონის წევრი ქვეყნების თანამშრომლობის გაძლიერება მოსახლეობისთვის მედიკამენტებზე მიწვდომადობის გაზრდის მიზნით.
• ჯანმრთელობის საერთაშორისო რეგულირების (2005) კომპონენტების განხორციელების დაჩქარება და ჯანმოს ევროპის რეგიონის წევრ ქვეყნებში ლაბორატორიული შესაძლებლობების გაძლიერება.

4 დღიან პროგრამაში , ასევე გათვალისწინებულია მოხსენებები 2012-2020 წლებში ევროპის სამოქმედო გეგმის შესახებ ალკოჰოლური სასმელების მავნე გამოყენების შემცირების მიზნით.

ევროპის 2015-2020 წლების სამოქმედო გეგმა საკვებისა და კვების, ასევე ფსიქიკური ჯანმრთელობის საკითხებზე. სხვა მნიშვნელოვანი საბჭოების არჩევნებთან ერთად, სხდომაზე დასახელდება აღმასრულებელი საბჭოს 4 წევრი და აირჩევა მუდმივმოქმედი რეგიონალური კომიტეტის 4 წევრი .

Jandacvis Saministro