Jandacva.ge
რატომ კვდებიან მამაკაცები ქალებზე ადრე?
ამერიკელმა გენეტიკოსებმა სტატისტიკური მონაცემების მიზეზი ახსნეს. ექსპერტების მტკიცებით, ამაში დამნაშავე ის Y ქრომოსომაა, რომელიც ასაკის მატებასთან ერთად მუტაციას განიცდის.
Y ქრომოსომა, რომელიც პირდაპირ უკავშირდება რეპროდუქციულ უნარებსა და ნაყოფის მომავალი სქესის განსაზღვრას მხოლოდ მამაკაცებში გვხვდება. ქალს სანაცვლოდ 2 X ქრომოსომა აქვს.
მეცნიერების მტკიცებით, Y ქრომოსომა მამაკაცის ასაკის მატებასთან ერთად ხშირად გადაგვარებას განიცდის, რაც ხშირ შემთხვევაში ალცჰაიმერის დაავადების, კიბოს და სხვა სასიკვდილო დაავადებების მიზეზი ხდება.
გაეროს მონაცემებით, მამაკაცების სიცოცხლის საშუალო ხანგრძლივობა 68,5 წელია. ქალების შემთხვევაში კი ეს ასაკი 73,5 წლით განისაზღვრება. მკვლევარების მტკიცებით Y ქრომოსომის გადაგვარების ხელისშემშლელი მექანიზმი ჯერჯერობით თანამედროვე მედიცინას არ აქვს.
