Jandacva.ge
გორის მუნიციპალიტეტის მოსახლეობას უფასო სამედიცინო გამოკვლევები ჩაუტარდება. როგორც ”ინტერპრესნიუსს” გორის მუნიციპალიტეტიდან აცნობეს, უფასო სამედიცინო გამოკვლევები 23 აპრილს, 10:00-დან 18:00 საათამდე, ვერხვების დევნილთა ჩასახლებაში მდებარე ამბულატორიის შენობაში ჩატარდება.
აქციაში ჩაერთვებიან თბილისის წამყვანი კლინიკების მაღალკვალიფიციური სპეციალისტები: ნევროპათოლოგები, რევმატოლოგები და ანგიოლოგები. ყველა მსურველს შესაძლებლობა ექნება, ისარგებლოს ამ აქციით და მიიღოს კვალიფიციური ექიმის კონსულტაცია.
გორის მუნიციპალიტეტის გამგეობა სოფლებიდან მოსახლეობის ტრანსპორტირებასაც უზრუნველყოფს.
