Jandacva.ge
2017 წლის 11-14 ოქტომბერს ქ. გვადალახარაში (მექსიკა) იმართება ფილტვის დაავადებათა რიგით 48-ე საერთაშორისო კონფერენცია.
აღნიშნული კონფერენცია ყოველწლიურია და მას ესწრება 4000-მდე დელეგატი მსოფლიოს სხვადასხვა ქვეყნიდან. წლევანდელი წლის კონფერენციის სლოგანია “დავაჩქაროთ ელიმინაციის პროცესი”.
ღონისძიება ფოკუსირებულა ტუბერკულოზის ელიმინაციის პროცესზე, ასევე დამსწრე საზოგადოება განიხილავს ტუბერკულოზთან დაკავშირებული კოინფექციების, თამბაქოს კონტროლის და ჰაერის დაბინძურების საკითხებისა და სხვა პრობლემების გადაჭრის გზებს.
დაავადებათა კონტროლისა და საზოგადოებრივი ჯანმრთელობის ეროვნული ცენტრიდან კონფერენციას დაესწრნენ და 2 სესიაზე მოხსენებებით გამოვიდნენ გენერალური დირექტორის მოადგილე ირმა ხონელიძე და გლობალური ფონდის ტუბერკულოზის პროგრამის მენეჯერი გიორგი კუჭუხიძე.
სხვადასხვა სესიებზე საქართველოს ასევე წარმოადგენენ ტუბერკულოზის და ფილტვის დაავადებათა ეროვნული ცენტრის და ტუბერკულოზის სათემო ორგანიზაციის წარმომადგენლები.
