Jandacva.ge
სპორტისა და ახალგაზრდობის საქმეთა მინისტრი ტარიელ ხეჩიკაშვილი და მინისტრის მოადგილე შალვა გოგოლაძე C ჰეპატიტის ელიმინაციის პროგრამის ფარგლებში მიმდინარე სკრინინგის აქციაში ჩაერთნენ.
როგორც “ინტერპრესნიუსს” სპორტისა და ახალგაზრდობის საქმეთა სამინისტროდან აცნობეს, მიმდინარე წლის განმავლობაში C ჰეპატიტის მკურნალობის პროგრამაში 20 000 ადამიანი იქნება ჩართული.
უფასო სკრინინგის აქცია 2015 წლიდან, C ჰეპატიტის ვირუსის დროული გამოვლენის, მკურნალობისა და სრული ელიმინაციის მიზნით დაიწყო და უწყვეტ რეჟიმში გრძელდება. დაავადების მკურნალობა უახლესი თაობის მედიკამენტებით საქართველოში სრულიად უფასოა.
