Jandacva.ge
შრომის, ჯანმრთელობისა და სოციალური დაცვის სამინისტროს შრომის ინსპექტორები კომპანია „საქნახშირი ჯი-აი-ჯის“ მინდელის სახელობის შახტაში არსებულ ვითარებას სწავლობენ.
ისინი ადგილზე ეცნობიან დასაქმებულების სამუშაო გარემოს. აკვირდებიან, რამდენად არის შრომითი უსაფრთხოება დაცული და მონიტორინგს უწევენ დასაქმებულების შრომით უფლებებს.
ინსპექტირების შემდეგ, ჯანდაცვის სამინისტროს შრომის ინსპექტორები სპეციალურ რეკომენდაციებს შეიმუშავებენ და კომპანია „საქნახშირი ჯი-აი-ჯის“ მენეჯმენტს წარუდგენენ. თავის მხრივ, კომპანია მიესალმება თანამშრომლობის ამ ფორმას და გამოთქვამს მზაობას, მიღებული რეკომენდაციების შესაბამისად დასახოს სამოქმედო გეგმა.
