Jandacva.ge
საზოგადოებას აქვს ლეგიტიმური ეჭვი, რომ ფარმაცევტული ბაზარი მონოპოლიურია, – ამის შესახებ ექსპერტმა ეკონომიკის საკითხებში ლევან კალანდაძემ ტელეკომპანია GDS-ის გადაცემაში “59 წამი” განაცხადა.
მისი თქმით, მიუხედავად იმისა, რომ ფარმაცევტულ ფაზარზე 50-მდე კომპანიაა, რეალობას თვალი უნდა გავუსწოროთ.
“ბაზარზე ძირითადი მოთამაშეები, ამინდის ძირითადი შემქმნელები მხოლოდ 3-4 კომპანიაა, ეს ის კომპანიებია, რომლებიც როგორც მედიკამენტების იმპორტის, ასევე ფარმაცევტული ქსელის ოპერირების თვალსაზრისით ძირითადი დომინანტები არიან და ბუნებრივია, 4 კომპანიას შორის დაშვება იმისა, რომ გარკვეული მონოპოლიური ფასის ან კარტელური გარიგების შესახებ რაიმე ფარული შეთანხმება შეიძლება არსებობდეს, – ეს სავსებით ბუნებრივია.
სამწუხაროდ, ჩვენმა ხელისუფლებამ და კონკურენციის სააგენტომ დღემდე ვერ გასცა პასუხი და საზოგადოების ეჭვი სავსებით ლეგიტიმურია მონოპოლიური შეთანხმებებისა და გარიგებების შესახებ.
