Jandacva.ge
სოციალურად დაუცველი მოსახლეობის გარკვეული კატეგორიისთვის მედიკამენტების შესყიდვასთან დაკავშირებით ტენდერი დღეს გამოცხადდება, – ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ განაცხადა.
მინისტრის თქმით, სატენდერო კრიტერიუმებში მთავარ მოთხოვნებს წარმოადგენს ფასი და ხარისხი.
“ტენდერი გამოცხადდება პარასკევს. კრიტერიუმები იქნება ფასი და ხარისხი. ხარისხი იქნება ჯანდაცვის მსოფლიო ორგანიზაციის მიერ აკრედიტირებული ლაბორატორიის შესაბამისობის სერთიფიკატი. რაც შეეხება ქართულ ორგანიზაციებს, რა თქმა უნდა, მათ შეეძლებათ ტენდერში მიიღონ მონაწილეობა”, – განაცხადა დავით სერგეენკომ.
საყოველთაო დაზღვევის პროგრამით, საუბარია მედიკამენტების შეძენაზე სოციალურად დაუცველი მოსახლეობის იმ კატეგორიისთვის, რომელთა სარეიტინგო ქულაც მაქსიმუმ 100 000-ია.
