ჯანდაცვის და სოციალური მომსახურების სექტორში საშუალო ხელფასი ერთერთი ყველაზე დაბალია

2022 წლის მეორე კვარტლის მონაცემებით, ჯანდაცვისა და სოციალური მომსახურების სფეროში დასაქმებულთა საშუალო ხელფასმა 1419 ლარი შეადგინა, რაც წინა წლის იგივე პერიოდთან შედარებით მხოლოდ 4 ლარით გაზრდილი მაჩვენებელია. შესაბამისად, ეს დარგი მომუშავეთა ხელფასების სიდიდით მე-13 ადგილზეა 19 დარგს შორის.

ზოგადად კი, საქსტატის მონაცემებით, 2022 წლის IV კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 21.2 პროცენტით (309.9 ლარით) გაიზარდა და 1 773.7 ლარი შეადგინა.

საქმიანობის სახეების მიხედვით ყველაზე მაღალი ხელფასი დაფიქსირდა შემდეგ დარგებში:

ინფორმაცია და კომუნიკაცია – 3 672.6 ლარი (წინა წლის შესაბამის პერიოდთან შედარებით გაიზარდა 61.8 პროცენტით);

საფინანსო და სადაზღვევო საქმიანობები – 2 726.7 ლარი (გაიზარდა 12.1 პროცენტით);

მშენებლობა – 2 535.8 ლარი (გაიზარდა 14.8 პროცენტით);

პროფესიული, სამეცნიერო და ტექნიკური საქმიანობები – 2 455.1 ლარი (გაიზარდა 15.1 პროცენტით).