ჯანდაცვის და სოციალურ სფეროში დასაქმებული ადამიანების საშუალო ხელფასი 1 393 ლარია

ჯანდაცვისა და სოციალური მომსახურებების საქმიანობებში დასაქმებული ადამიანების საშუალო ხელფასი 1 393,5 ლარია. მონაცემებს წლიურ ჭრილში საქსტატი აქვეყნებს.

სტატისტიკური მონაცემებით, შარშან ეს მაჩვენებელი 1 083,0 ლარი იყო.

2021 წელს საქართველოში დაქირავებით დასაქმებულთა საშუალო თვიური ნომინალური ხელფასი გასულ წელთან შედარებით 9.5 პროცენტით (113.5 ლარით) გაიზარდა და 1 304.5 ლარი შეადგინა.

საქსტატი აღნიშნავს, რომ 2021 წელს წინა წელთან შედარებით ხელფასების ზრდა სექტორების უმრავლესობაში შეინიშნებოდა. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში: საფინანსო და სადაზღვევო საქმიანობა – 2 368.1 ლარი (წინა წელთან შედარებით გაიზარდა 9.8 პროცენტით); პროფესიული, სამეცნიერო და ტექნიკური საქმიანობები – 2 075.3 ლარი წინა წელთან შედარებით გაიზარდა 12.0 პროცენტით; ინფორმაცია და კომუნიკაცია – 2 030.9 ლარი (წინა წელთან შედარებით გაიზარდა 7.7 პროცენტით).