Jandacva.ge
პრემიერმინისტრმა გიორგი კვირიკაშვილმა მთავრობის სხდომაზე შრომის, ჯანმრთელობისა და სოციალური დაცვის მინისტრს დავით სერგეენკოს მსოფლიო ჯანდაცვის ორგანიზაციის აღმასრულებელი საბჭოს წევრად არჩევა მიულოცა.
„ძალიან მნიშვნელოვანი რამ მოხდა, ჩვენი კოლეგა დავით სერგეენკო აირჩიეს მსოფლიო ჯანდაცვის ორგანიზაციის აღმასრულებელი საბჭოს წევრად და მინდა მივულოცო ბატონ დავითს და მთლიანად მინისტრთა კაბინეტს ეს ძალიან დიდი წარმატება“, – განაცხადა პრემიერმა.
შეგახსნებთ, რომ ჯანმრთელობის დაცვის მსოფლიო ორგანიზაციის აღმასრულებელი საბჭოს წევრად ევროპის რეგიონიდან საქართველოს ჯანდაცვის მინისტრი რამდენიმე დღის წინ აირჩიეს. კოპენჰაგენში, ჯანმო-ს ევროპის რეგიონალური კომიტეტის 66-ე სესიაზე დავით სერგეენკო სიტყვით გამოვიდა და საქართველოში ჯანდაცვის სისტემაზე ისაუბრა.
