Jandacva.ge
შრომის, ჯანმრთელობისა და სოციალური დაცვის მინისტრი დავით სერგეენკო და მისი მოადგილე ვალერი კვარაცხელია სამეგრელოს რეგიონის ექიმებს შეხვდნენ.
მინისტრმა სამედიცინო საზოგადოებას ჯანდაცვის სფეროში მიმდინარე და სამომავლო პროექტებზე ესაუბრა. განსაკუთრებით დიდი ინტერესი გამოიწვია პირველადი ჯანდაცვის რეფორმამ, რომელსაც სამინისტრო ოქტომბრიდან იწყებს. საუბარი შეეხო C ჰეპატიტის ელიმინაციის პროგრამასაც, რომელშიც სამეგრელოს რეგიონი უკვე ჩართულია.
შეხვედრის ბოლოს გაიმართა დისკუსიაც. დავით სერგეენკომ ექიმებისგან მიიღო ინფორმაცია სამინისტროს მიერ განხორციელებული პროექტების მიმდინარეობის შესახებ.
