Jandacva.ge
“ბიზნეს კურიერის” 13 თებერვლის გადაცემაში ვრცელი სიუჟეტი მიეძღვნა ფარმაცევტულ ბაზარზე მიმდინარე ფასების კლების ტენდენციას.
გადაცემის ავტორისა და წამყვანის აკაკი გოგიჩაიშვილის აზრით: საპარტნიორო ფონდის ხელმძღვანელმა დავით საგანელიძემ განაცხადა, რომ ავსტრიული კომპანია “ჰუმანითი ჯორჯიას” ქართულ ფარმაცევტულ ბაზარზე შემოყვანით მედიკამენტები მალე 30%ით გაიაფდებოდა და ასეც მოხდა. იმაზე უფრო მალე, ვიდრე ვინმეს წარმოედგინა. “პე ეს პემ”, “ავერსმა” და სხვემბაც ასამდე მედიკამენტზე ფასები მართლაც საშუალოდ 30%-ით დასწიეს.
“ბიზნეს კურიერის” ჟურნალისტმა მეგი კავთუაშვილმა აღნიშნა, რომ მათ გადაამოწმეს ფასები და აღმოჩნდა, რომ ასამდე დასახელების მედიკამენტის 185 პოზიციაზე საშუალოდ 30%-ით დაიკლო ფასებმა.
მათ შორის გაიაფდა ისეთი მოთხოვნადი მედიკამენტები, როგორიც არის ნოშპა, ენაპ აში, აუგმენტინი, აქტოვეგილი, კორდარონი, ელთიროქსინი და ასე შემდეგ.
კონკრეტულად, კი ნოშპა 11-დან 6 ლარამდე, აუგმენტინი 15-დან 11 ლარამდე, დიაბეტონი 21-დან 15 ლარამდე, ენაპი ჰაში 5-დან 3 ლარამდე, კორდარონი 11-დან 6 ლარამდე, ხოლო კარდიომაგნილი 12-დან 7 ლარამდე გაიაფდა.
