Jandacva.ge
ჯანდაცვის სამინისტრო C ჰეპატიტის ელიმინაციის პროგრამაში ჩართული და ჩართვის მსურველი პაციენტებისთვის განცხადებას ავრცელებს.
როგორც ჯანდაცვის სამინისტროს განცხადებაშია აღნიშნული , C ჰეპატიტის ელიმინაციის პროგრამის ბაზაში დარეგისტრირებულმა პაციენტებმა საჭირო კვლევების დასასრულებლად პროვაიდერ კლინიკებში მკურნალ ექიმებს უნდა მიმართონ.
”ყველა შესაბამისი კვლევის პასუხი, ჯანმრთელობის მდგომარეობის შესახებ ცნობა (ფორმა NIV-100/ა) და პირადობის მოწმობა, ბენეფიციარმა უნდა წარადგინოს C ჰეპატიტის მართვის ცენტრში (ფალიაშვილის 110) ან სოციალური მომსახურების სააგენტოს თბილისის რაიონულ ცენტრებსა და რეგიონალურ ოფისებში.
ინფორმაციას პროგრამაში ჩართვის შესახებ პაციენტი მიიღებს სწორედ C ჰეპატიტის მართვის ცენტრში, სოციალური მომსახურების სააგენტოს თბილისის რაიონულ ცენტრებში ან რეგიონულ ოფისებში.
ბენეფიციარებმა, რომლებიც ჯერ არ არიან პროგრამაში ჩართულები, რეგისტრაციისთვის ასევე უნდა მიმართონ ზემოთხსენებულ დაწესებულებებს. აქ მათ საშუალება ექნებათ გაიარონ რეგისტრაცია და ჩაერთონ პროგრამაში”, – ნათქვამია ჯანდაცვის სამინისტროს განცხადებაში.
