სემინარი – საოკლუზიო რეაბილიტაციის გნათოლოგიური ასპექტები სტომატოლოგიაში

2016 წლის 3-4 ოქტომბერს, სტომატოლოგიის ცენტრ “ალბიუსის” და საქართველოს სტომატოლოგთა ასოციაციის ორგანიზებით ჩატარდება პრაქტიკული  სემინარები: “საოკლუზიო რეაბილიტაციის გნათოლოგიური ასპექტები სტომატოლოგიაში” და “ორთოდონტიული მკურნალობის დაგეგმვა”

სემინარებს წარუძღვება სომხეთის სახელმწიფო სამედიცინო უნივერსიტეტის  ბავშვთა სტომატოლოგიისა და ორთოდონტიის კათედრების  ხელმძღვანელი, მედიცინის მეცნიერებათა დოქტორი გრანტ ტერ-პოღოსიანი.

3 ოქტომბერი

სემინარის გეგმა:

• საოკლუზიო დარღვევები: ნორმა თუ პათოლოგია.
• საოკლუზიო დარღვევების ეტიოლოგია: გასაღები, რომელიც დაგეხმარებათ სწორად განკარგოთ მკურნალობის პრინციპები.
• კლინიკური დახასიათება: რა კავშირი არსებობს ოკლუზიას, ყბა-კბილთა სისტემას, ხერხემალსა და სასუნთქ გზებს შორის.
• ყბა-კბილთა სისტემის ექსპრეს დიაგნოსტიკა კლინიკო-ფუნქციური მდგომარეობის გამოსავლენად.
• საოკლუზიო კბილთა მწკრივის სადიაგნოსტიკო მეთოდები ( კლინიკური, რენტგენოლოგიური, ინსტრუმენტული )
• ოკლუზიის ძირითადი კონცეფციები.
• არტიკულატორები და სახის დუგები.
• ცენტრალური შეთანასოვნებისა და ცენტრალური ოკლუზიის გამოთვლის მეთოდები.
• კომპოზიტური ან კერამიკული რესტავრაციების გრძელვადიანობა.
• საოკლუზიო სპლინტების სახეები ( გამოყენების ჩვენებები, ფუნქციური კლასიფიკაცია, დამზადების მეთოდები, საოკლუზიო ზედაპირის გაფორმება, მოსალოდნელი შესაძლო გართულებები გამოყენებისას. )
• ნეიროკუნთოვანი სტომატოლოგიის საფუძვლები.
• კლინიკური შემთხვევების განხილვა, დისკუსია.

4 ოქტომბერი

ორთოდონტიული მკურნალობის დაგეგმვა

• ორთოდონტიული მკურნალობის გეგმის ძირითადი ელემენტები.
• ლონდონის სამეფო კლინიკის კბილთა მწკრივის სივრცითი ანალიზი.
• ორთოდონტიული მკურნალობის დაგეგმარება და ვიზუალიზაცია დოლფინის პროგრამის გამოყენებით.
• კლინიკური შემთხვევების განხილვა, დისკუსია.

სემინარი ჩატარდება სტომატოლოგიის ცენტრ “ალბიუსში”

მის: თაბუკაშვილის 27, თბილისი

საკონტაქტო ინფორმაცია:
საქართველოს სტომატოლოგთა ასოციაცია: 2 309 711
ელ. ფოსტა: info@gsa.ge