Jandacva.ge
22 აპრილს დედამიწის საერთაშორისო დღესთან დაკავშირებით “სამედიცინო კორპორაცია ევექსი” ყველაზე მასშტაბურ გარემოსდაცვით ღონისძიებას შეუერთდა.
დასუფთავების აქციაში ევექსის ქსელში არსებული რეფერალური ჰოსპიტალები ჩაერთვნენ, – აღნიშნულის შესახებ განცხადებას სამედიცინო კორპორაცია ევექსი ავრცელებს.
თბილისში, იაშვილის საავადმყოფოსა და ტრავმატოლოგიური ჰოსპიტალის ათეულობით თანამშრომელმა მიმდებარე ტერიტორიები დაასუფთავა.
დასუფთავების აქციას ევექსის ქსელის ბათუმის, ზუგდიდის, ქუთაისისა და თელავის რეფერალური ჰოსპიტლებიც შეუერთდნენ.
ღონისძიების ფარგლებში “სამედიცინო კორპორაცია ევექსის” თანამშრომლებმა ჯამში 12 ჰა-ს ფართობის ტერიტორია დაასუფთავეს: – აღნიშნულია ინფორმაციაში.
