Jandacva.ge
თბილისი (GBC) -ფილტვის იდიოპათიური ფიბროზის მსოფლიო კვირეული საქართველოშიც აღინიშნება. ფილტვის იდიოპათიური ფიბროზის (ფიფ) შესახებ საზოგადოების ინფორმირებისა და დაავადების მსოფლიო კვირეულთან დაკავშირებით ხუთშაბათს პრესკონფერენცია გაიმართა.
შეხვედრა ფიფ დაავადებული პაციენტების კავშირის, საქართველოს რესპირატორთა ასოციაციის და გენეტიკური და იშვიათი დაავადებების საქართველოს ფონდის ეგიდით მოეწყო. ფიფ-ი ფილტვის იშვიათი, შეუქცევადი დაავადება, რომელსაც სიკვდილიანობის უფრო მაღალი მაჩვენებელი აქვს, ვიდრე ავთვისებიანი სიმსივნეების უმრავლესობას.
პრესკონფერენიიც მონაწილეებმა ფიფ-ის დაავადების სიმძიმეზე აღნიშნეს და დროული და სწორი დიაგნოზის მნიშვნელობის შესახებ ისაუბრეს.
„დღევანდელი ჩვენი შეხვედრის მიზანი საზოგადოების ინფორმირება სასუნთქი სისტემის ერთ-ერთ იშვიათ, შეუქცევად პროგრესირებად დაავადებაზე, რომელსაც ფილტვის იდიოპათიური ფიროზი ეწოდება. ფილტვის იდიოპათიური ფიბროზით მსოფლიოში 5 მილიონ ადამიანზე მეტია დაავადებული. ევროპაში 110 ათასამდე პაციენტია და მათი რაოდენობა ყოველწლიურად 30 ათასით მატულობს,”- კლინიკა „დიაკორის” ექიმ-პულმონოლოგმა ელენე შეროზიამ
ფილტვის იდიოპათიური ფიბროზის მსოფლიო კვირეული 2012 წლიდან აღინიშნება და ამ აქტივობას წელს საქართველოც შეუერთდა.
საქართველოს მსოფლიო კვირეულში ჩართვა მნიშვნელოვანი მოვლენაა. დაავადებასთან დაკავშირებით საზოგაოდების ინფორმირებულობა მნიშვნელოვანია, რადგან დაავადებული პაციენტების 60% ჯერ კიდევ არ არის აღრიცხული და უშუალოდ ექიმთან კონტაქტში არ არიან.
ფილტვის იდიოპათიური ფიბროზის საინფორმაციო კამპანია სლოგანის „ამოისუნთქე იმედით” ფარგლებში განხორციელდება. მის აუცილებელ ატრიბუტს საპნის ბუშტების გაშვება წარმოადგენს, რომელიც ფიფ-ის სიმბოლოდ იქცა.
„მსოფლიოში მსგავსი კვირეულები 2012 წლიდან ეწყობა, საბედნიეროდ საქართველომაც არ დაიგვიანა და 3 წლის შემდეგ შეუერთა ფილტვის იდოპათიური ფიბროზის მსოფლიო კვირეულს. დაავადება არის საკმაოდ მძიმე, რომელიც მიმდინარეობს ქოშინით, ჰაერის უკმარისობით და არ მკურნალობის შემთხვევაში დაახლოებით 2-5 წლამდე სავალალო მდგომარეობით მთავრდება.“-განაცხადა საქართველოს რესპირატორთა ასციაციის წარმომადგენლემა კახა კვაჭაძემ.
საქართველოში, ფიფ კვირეულის ჩატარებას მიესალმება და მხარს უჭერს გენეტიკური და იშვიათი დაავადებების საქართველოს ფონდიც.
„გენეტიკური და იშვიათი დაავადებების საქართველოს ფონდი უცხადებს სრულ მხარდაჭერას იმ პაციენტ ორგანიზაციას რომელიც ეხლა ჩამოყალიბდა. ვიმედოვნებთ, რომ ეს სწორი გადაწყვეტილება საწინდარი იქნება იმისა, რომ ჯანდაცვის სტრუქტურებთან კოლაბორაციილ შედეგად მიღწეული იქნება მათთვის სასურველი შედეგი.” – აღნიშნა გენეტიკური და იშვიათი დაავადებების საქართველოს ფონდის პრეზიდენტმა ანა ბოქოლიშვილმა.
