Jandacva.ge
ბორჯომის მუნიციპალიტეტის სოფელ ტაძრისში ამბულატორიის შენობის სრული რეაბილიტაცია დაიწყო.
ამბულატორია სოფლის ექიმის სახელმწიფო პროგრამის ფარგლებში იმუშავებს, სადაც უფასო ამბულატორიული მომსახურების გარდა, ხორციელდება მნიშვნელოვანი პროფილაქტიკური პროგრამები – იმუნიზაციის პროგრამა და ინფექციური დაავადებების მონიტორინგი.
ამბულატორია მოემსახურება 3 სოფლის ტაძრისის, დგვარისა და საკირეს მოსახლეობას.
პროექტის ფარგლებში შეიცვლება ძველი კარ–ფანჯარა, განხორციელდება შიდა და გარე ფასადის მოპირკეთების სამუშაოები, მოწესრიგდება სველი წერტილები, დამონტაჟდება ;ელექტროგაყვანილობა, აივანზე მოეწყობა ლითონის მოაჯირები, კიბები და პანდუსი.
ადგილობრივებს ახალგარემონტებულ ამბულატორიაში პირველადი სამედიცინო მომსახურებით სარგებლობა მიმდინარე წლის ივნისიდან შეეძლებათ.
გასულ წლებში სრული რეაბილიტაცია ჩაუტარდა სოფლების ჭობისხევისა და დვირის ამბულატორიებსაც.
