„დიდი ნაბიჯებით შიდსის დასამარცხებლად” – უფასო ტესტირების კამპანია

შიდსთან ბრძოლის საერთაშორისო დღესთან (1 დეკემბერი) დაკავშირებით, დაავადებათა კონტროლის ეროვნული ცენტრის მხარდაჭერით, „ზიანის შემცირების საქართველოს ქსელის“, „ახალი ვექტორისა“ და საქართველოს წითელი ჯვრის ორგანიზებით, შიდსის უფასო სკრინინგი მიმდინარეობს.

ამასთან, C ჰეპატიტის ელიმიცანიის პროგრამის ფარგლებში მოსახლეობას საშუალება აქვს, უფასო ტესტირება C ჰეპატიტზეც ჩაიტარონ.

„აქციის მიზანია, კიდევ ერთხელ შევახსენოთ საზოგადოებას, რომ დროული დიაგნოსტიკის შემთხვევაში შიდსი მართვადი დაავადებაა, ამიტომ საზოგადოებას მოვუწოდებთ, დროულად ჩაიტარონ ტესტირება“, – აცხადებენ აქციის ორგანიზატორები.

მათი თქმით, წელს შიდსთან ბრძოლის საერთაშორისო დღის მთავარი სლოგანი იქნება „დიდი ნაბიჯებით შიდსის დამარცხებლად“. კვირეულის ფარგლებში უფასო სკრინინგი სხვადასხვა ქალაქის სხვადასხვა წერტილში ჩატარდება.