Jandacva.ge
ქარელის მუნიციპალიტეტის გამგეობის შენობაში, მოსახლეობის პროფილაქტიკური გამოკვლევების მიზნით, კლინიკა „ენმედიცინი“-ს ექიმები ჩავიდნენ.
ამის შესახებ შიდა ქართლის საინფორმაციო ცენტრს მუნიციპალიტეტის გამგეობიდან აცნობეს.
პრეს-სამსახურის ცნობით, ადგილობრივებისთვის უფასო აქცია, ჯანმრთელობისა და სოციალური დაცვის სამინისტროსთან შეთანხმებით, გაიმართა.
,,პაციენტებს საშუალება ჰქონდათ ესარგებლათ ენდოკრინოლოგის, ნევროლოგის, ბავშვთა ენდოკრინოლოგის, კარდიოლოგის, ოტორინოლარინგოლოგისა და ანგიოლოგის მომსახურებით.” – აცხადებენ პრეს-სამსახურში.
გამგეობის წარმომადგენლების ცნობთ, ექიმები 163 ბენეფიციარს მოემსახურნენ, რომელთაც კლინიკურ-დიაგნოსტიკური და ექოსკოპიური გამოკვლევები ჩაუტარეს.
